1492 : sentence en langue d'oc pour l'eau (Génolhac 30)
1492 : sentence arbitrale en langue d’oc
Nous Anthoine de la Boleya e Estienne Masmegha fils de Antoine Jean Dayrac e Raymond Chapberd arbitres arbitradors e amicables compositors per las partidas communament elegitz vist e intendut lo compromes en nous autres fach e nostra potestas en aquel contenguda ausidas las partidas compromessans vitz et palpatz los lioctz contensiosez e consideratz los profitchz e utilitatz tant de l’una partida que de l’autra aven dich ordonat arbitrat disen ordonans e arbitran e deffenisen en la faise e maniere que se en set : e premieirement attendutz e considerats lous prouffiechz e utilitatz que les ditz Etienne e Jehan Masmegha fraïres filhs de Peyre ce qui Dieou merite fassa an predran en e per les dits mollis per elles fachz depuis le premier arbitratge en say en la dito levado de Florensac ou del Chambo de contra Vielvic ordonan e arbitran que los dits fraïres sian tengutz e devon pagas las emendas degudas a causa del passamen del bezal des dits molis parten de la levado que est en la tenador de la plancha del chami ferrat jusques as ditz mollis a leurs propres couts e despens e sans ajuda de l’autra partida e per esmenda sion tengutz pagar e satisfar a Antoine Masmegha del dich luoc a soma de quatre lieuras e a jehan gastal del dich luoc autras quatre lieuras e a Guilhem rey del d.luoc oultre se que a paga la soma de quinze soulzt e aquo per tout domaige e interetz e action que les dits Antoine Masmega Jehan Gastal e Guilhem Rey porrian demandar a causa del passamen que fay le dit bezal per leurs terras.
Itrem oultre la dite emenda sia licite as dits Antoine Masmegha Jehan Gastal e Guilhem Rey e alz sieus al temps advenedor prendra d’ayga del dit besal per irigar e azegar leurs ortz que y son al present ou poyrian estre al temps advenit moderadomen e puescha le dit Antoine Masmegha pareillamen prendre l’ayga que proven del besal coma a acoustumat per irigar e asegar son ort desoubs son ostal au um chanal moderamen coma ditch e asegats o irigatz los dits ortz sian tenguts los dits Antoine Masmegha Jehan Gastal e Rey tornar redre e restituer l’ayga al dit besal.
Source : notaire Benoit de Villefort
